Várjjat-arkiivvat gávdnojit dál Arkiivaportálas

Várjjat Musea IKS álggahii Várjjat-arkiivaprošeavtta maid Arkiivadoaimmahat ja SNN-foandda ruhtadit ovdánahttinruđaid bokte. Várggáid, Čáhcesullo ja Girkonjárgga ossodagat áimmahuššet daid ja sii galget daid dikšut, katalogiseret ja registreret Asta vuogádahkii ja almmuhit daid Arkiivaportála bokte. Bargu lea bures boahtán johtui! 

Várjjat musea golbma ossodaga leat investeren Asta-vuogádaga, mii lea historjjálaš arkiivvaid elektronalaš registrerenvuogádat. Dál juo sáhttet sohkadutkit, girječállit, dutkit, báikkálaš historihkkárat ja eará  arkiivageavaheaddjit illudit go dál sis lea vejolaš gávdnat museaid máŋgalogi priváhta arkiivvaid Arkiivaportálas. Brodtkorp Handel, Bussesundfergen,  Nuorta-Finnmárkku Godtemplarlosjene ovcci searvvi ja Vardø turnforening arkiivvat leat gávdnamis ja sii geat háliidit sáhttet daid ávkkástallat Arkiivaportálas.

Várggáide gullevaš guovddášfitnodaga Brødrene Aarsæther čieža mehter arkiiva lea boađi boađi, ja berošteaddjit besset farga geavahit čohkkejuvvon materiálaid mat leat erenoamážit áigodagas 1925-1958.

Ja eanet dieđut ilbmet!

Várjjat musea almmuhuvvon arkiivvaid gávnnat dáppe:

https://www.arkivportalen.no/search/1?unitType=1000&repository=VAMU

Eanet dieđut Várjjat-arkiivvaid prošeavttas:

https://www.varangermuseum.no/vaarrengjoering/

Bildetekster: Prosjektleder Inger Govvateavsttat: Prošeaktajođiheaddji Inger Lene Nyttingnes (olgeš ravddas) ja gaskkusteaddji Maria Bertheussen Skrydstrup gii láhčá ja almmuha arkiivvaid geavaheddjiid várás. Govven: Magne Henriksen.

Govva: Várjjat musea