{"id":6801,"date":"2018-12-12T07:06:48","date_gmt":"2018-12-12T07:06:48","guid":{"rendered":"http:\/\/finnmarksarkivene.no\/?p=6801"},"modified":"2019-02-08T07:43:39","modified_gmt":"2019-02-08T07:43:39","slug":"eddon-juovlanigat-ja-eara-symbolat-frans-hallonen-juovlakoartacoakkaldagas","status":"publish","type":"post","link":"https:\/\/finnmarksarkivene.no\/?p=6801","title":{"rendered":"Eddon juovlanig\u00e1t ja ear\u00e1 symbolat Frans Hallonen juovlakoarta\u010doakk\u00e1ldagas"},"content":{"rendered":"

Juovlam\u00e1nnu 2018: <\/strong>VI ER OGS\u00c5 HER! MII LEAT NAI D\u00c1S! MEKIN OLEMME T\u00c4\u00c4LL\u00c4!\u00a0<\/strong>Maid muitala juovlakoarta\u010doakk\u00e1ldat su birra gii daid lea \u010dohkken? S\u00e1htt\u00e1 go koarttaiguin \u010dalmmustahttit olbmo eallima v\u00e1s\u00e1husaid? Finnm\u00e1rkku fylkkagirjer\u00e1djosa \u010doakk\u00e1ldat, mas leat Frans Hallonen lagabui 300 juovlakoartta, lea erenoam\u00e1\u0161 diehtog\u00e1ldu maid lea vejola\u0161 eanet suokkardit. Arkiv\u00e1ra Helena Maliniemi lea \u010d\u00e1ll\u00e1n artihkkala. <\/strong><\/p>\n

Eddon juovlanig\u00e1t ja ear\u00e1 symbolat Frans Hallonen juovlakoarta\u010doakk\u00e1ldagas<\/strong><\/h3>\n

\u010c\u00e1lli: Helena Maliniemi<\/p>\n

Maid muitala juovlakoarta\u010doakk\u00e1ldat su birra gii daid lea \u010dohkken? S\u00e1htt\u00e1 go koarttaiguin \u010dalmmustahttit olbmo eallima v\u00e1s\u00e1husaid?\u00a0 Finnm\u00e1rkku fylkkagirjer\u00e1djosa \u010doakk\u00e1ldat, mas leat Frans Hallonen sullii 300 juovlakoartta lea erenoam\u00e1\u0161 diehtog\u00e1ldu maid lea d\u00e1rbu vu\u0111oleabbo suokkardit. Juovlakoarttat leat \u010dohkkejuvvon 1940-1980-logus.\u00a0 Mii leat erenoam\u00e1\u017eit deattuhan golmmal\u00e1gan koarttaid: juovlanig\u00e1koarttaid 1940-logus, suoma juovlakoarttaid ja juovlakoarttaid mat muhtun l\u00e1hkai gea\u017euhit Frans Hallonen etnala\u0161 duog\u00e1\u017ea.<\/p>\n

Frans Hallonen nuortas\u00e1mi duog\u00e1\u0161<\/strong>
\n<\/strong>Ovdal go geah\u010dadi\u0161goahtit juovlakoarta\u010doakk\u00e1ldaga, de fertet mii vuos oahp\u00e1smuvvat Frans Hallonenii ja lagabui guorahallat gii son lei.<\/p>\n

\"\"<\/a>

Hallonenviesus s\u00e1htt\u00e1 oaidnit Nj\u00e1vd\u00e1n-gor\u017e\u017ei ja St.Georga kapealla<\/p><\/div>\n

Frans Hallonen (1918-2005?) lei nuortas\u00e1mi veahkadaga ma\u014bisboahtti, gulleva\u0161 s\u00e1mi unnitlogu\u00e1lbmogii. Son \u0161attai dovddus go bealu\u0161tii ja ra\u017eai nuortala\u010d\u010daid vuoigatvuo\u0111aid ja eallinvuogi ovdii.<\/p>\n

Son \u0161attai baj\u00e1s nuortala\u0161siiddas, Nj\u00e1vd\u00e1mis, M\u00e1tta-V\u00e1rjjagis. Nuortala\u0161siida, maiddai goh\u010doduvvon nuortala\u0161b\u00e1ikin, lei guollerikkis Nj\u00e1vd\u00e1n-johkag\u00e1ttis, ja dat b\u00e1iki lei nuortala\u010d\u010daid oktasa\u0161eana ja geassesadji dolo\u0161 \u00e1iggis r\u00e1jes. 1903 juhkkojuvvui oktasa\u0161eana vi\u0111a nuortala\u0161 bearra\u0161ii geat dalle ledje f\u00e1sta\u00e1ssit. Nie oa\u010d\u010dui maidd\u00e1i Frans eatni \u00e1h\u010d\u010di, Nikolai Ondrevitsj (1847-1920), matrikulerejuvvon eatnama ie\u017eas d\u00e1lu birra Nj\u00e1vd\u00e1njohg\u00e1ttis, ja namma \u0161attai \u00d8rland. Eanaoamastanduo\u0111a\u0161tus dohkkehuvvui almmola\u010d\u010dat 1904:s, ja Frans \u00e1ddj\u00e1 \u0161attai m\u00e1ksit ovtta gusa dan ovddas.<\/p>\n

Frans ja su vi\u0111a jagi nuorat viellja Emil Enbusk (1923-1987) \u00e1rbiiga 1950-logus d\u00e1lu ie\u017easka eatni Baraski Nikolaivitsj (1889-1970) ja edno Mikko Nikolaivitsj (1885-1966) ma\u014bis. Sudno oarpmealli Kaisa Feodotoff (1903-1986) \u00e1sai maid d\u00e1n d\u00e1lus dass\u00e1 go j\u00e1mii.<\/p>\n

\"\"<\/a>


Nuohttun Nj\u00e1vd\u00e1n-gor\u017e\u017ei vuolde lea deh\u00e1la\u0161 nuortas\u00e1mi kultursymbola Norggas, ja lea d\u00e1vj\u00e1 geavahuvvon poastakoartagovvan.<\/p><\/div>\n

Vielja guovttos bisuheigga osiid nuortala\u010d\u010daid \u00e1rbevirola\u0161 eal\u00e1husain, nu go luossabivddu Nj\u00e1vd\u00e1njogas ja \u00e1rbevirola\u0161 nuohttuma Nj\u00e1vd\u00e1n-gor\u017e\u017eis. Dieid eal\u00e1husaid soai jo\u0111iheigga lotnolasat s\u00e1vza- ja \u0161ibitdoaluin, ja ear\u00e1 \u00e1igodatdoaimmaiguin laga\u0161 birrasis. Frans beara\u0161 ja\u00a0\u00a0 ear\u00e1 nuortala\u010d\u010dat ledje dan \u00e1iggi juo \u00e1ig\u00e1 manahan ie\u017easet \u00e1rbevirola\u0161 luossabivdovuoigatvuo\u0111aid, ja luossabivdovuoigatvuo\u0111aid o\u017e\u017eo sii geat oamastedje ja gilve eatnamiid Nj\u00e1vd\u00e1mis. Nj\u00e1vd\u00e1n-nuortala\u010d\u010dat manahedje maid\u00a0 boazodoallovuoigatvuo\u0111aid ja rievtti jo\u0111ihit nuortala\u0161boazoealu 1920-logu loahpageah\u010den.<\/p>\n

1970-logu r\u00e1jes leat nuortala\u010d\u010dat geah\u010d\u010dalan oa\u017e\u017eut ruovttoluotta vuoigatvuo\u0111aideaset, ja das lei Frans Hallonen njunno\u0161is. Son lei mielde vuo\u0111\u0111udeamen organisa\u0161uvnna \u00a0Nuortas\u00e1mesearvi (\u00d8stsamelaget). Organisa\u0161uvdna juohk\u00e1sii ma\u014b\u014bil guovtti o\u0111\u0111a organisa\u0161uvdnii. \u201cNjeavd\u00e1n nuortas\u00e1mit\u201d vuo\u0111\u0111uduvvui 1980-logu loahpageah\u010den, ja nubbi \u201cNuortala\u010d\u010dat Norggas\u201d vuo\u0111\u0111uduvvui 1992:s.<\/p>\n

Juovlanig\u00e1 gahpirat ja leavga
\n<\/strong>Frans Hallonen arkiivva boarr\u00e1seamos juovlakoarttat leat 1940-logu r\u00e1jes. \u00c1ibbas moadde g\u00e1vdnojit arkiivvas, ja dat leat s\u00e1ddejuvvon Fransii ja Emilii, muhto maidd\u00e1i eadni Baraski ja eanu Mikko leaba o\u017e\u017eon koarttaid. Koarttat leat mihtilmas juovlanig\u00e1koarttat, ja historjj\u00e1la\u010d\u010dat ledje \u00a0juovlanig\u00e1t hui bivnnuhat norgga koarttain. Muhto lea okta koarta mii lea hui erenoam\u00e1\u0161. Koarttas lea geavahuvvon f\u00e1rfo\u010d\u00e1la ja s\u00e1ddejuvvon \u201cEin ukjend soldat, Nord-Norge\u201d. Govas oaidnit m\u00e1\u014bga juovlanig\u00e1 geat leavgga dollet badjin. S\u00e1vvojuvvo maid \u201cGod norsk Jul!\u201d<\/p>\n

\"\"<\/a>

Nuppi m\u00e1ilmmisoa\u0111i vuolde ledje nation\u00e1la symbolat, leavga ja rukses juovlanig\u00e1gahpir vuost\u00e1lastinsymbolat. Duiskkut duogu\u0161tedje d\u00e1n koartta 1941:s.<\/p><\/div>\n

Nuppi m\u00e1ilmmisoa\u0111i vuolde ledje nation\u00e1la symbolat, leavga ja rukses juovlanig\u00e1gahpir vuost\u00e1lastinsymbolat. Duiskkut duogu\u0161tedje d\u00e1n koartta 1941:s.<\/p>\n

Soahte\u00e1iggi ledje d\u00e1n l\u00e1gan juovlanig\u00e1koarttat deh\u00e1la\u010d\u010dat norgga vuost\u00e1lastinlihkadusa \u00e1saheamis. Juovlanig\u00e1t rukses gahpiriin ledje deh\u00e1la\u0161 friddjavuo\u0111asymbolat. Rukses gahpiriiguin bilkidedje duiskka eisev\u00e1lddiid. Duiskala\u010d\u010dat die\u0111usge duogu\u0161tedje koarttaid 1941:s, ja sin \u010duo\u010d\u010duhus lei ahte koarttat eai \u010duvvon leavganjuolggadusaid ja geavahuvvojedje \u010dalmmustahttit lobihis propag\u00e1nda.<\/p>\n

Suoma juovlakoarttat <\/strong>
\n<\/strong>\u00c1iggi mielde vielja-guovttis oinniiga ahte ii lean vejola\u0161 birget du\u0161\u0161e eanadoaluin ja luossabivdduin. 1960-logu loahpageah\u010den \u00e1lggaheigga soai gohttensaji \u201cNeiden Camping\u201d nuortala\u0161siiddas. Guollebivdiin lei stuora bero\u0161tupmi Nj\u00e1vd\u00e1njohkii. Nuortala\u0161siiddas ja Nj\u00e1vd\u00e1mis \u0161attai dalle eallin ja mokta. Frans ja Emil r\u00e1hkadeigga gohttenstatistihka jagi 1970 r\u00e1jes gitta borgem\u00e1nnui 1979, ja statistihkka muitala ahte buoremus \u00e1igodagas soai l\u00e1igoheigga barttaid badjel 4000 guoss\u00e1i, ja badjel 2000 guossi \u00e1sse doppe buoremus m\u00e1nuid. Guossit bohte Finnm\u00e1rkkus, ear\u00e1 riikkaosiin, r\u00e1nnj\u00e1riikkain Ruo\u0167as ja D\u00e1nm\u00e1rkkus ja mu\u0111ui Eurohp\u00e1s, muhto eanemus guossit bohte Suomas.<\/p>\n

\"\"<\/a>

Juovladearvuo\u0111at Nj\u00e1vd\u00e1n Gohttensajis<\/p><\/div>\n

1976:s ledje ovdamearkka dihte 2540 guossi geat \u00e1sse gohttensajis ja dain ledje 2160 suopmela\u010d\u010da. Eana\u0161 turisttat bivde st\u00e1kkuin, juogo fatnasis dahje johkag\u00e1ttis, ja \u00e1rbevirola\u0161 nuohttebivdu \u010da\u0111ahuvvui Nj\u00e1vd\u00e1n-gor\u017e\u017eis. Sisaboahtu luossabivddus, nugo guol\u00e1stankoartatienas juogaduvvui Nj\u00e1vd\u00e1njoga guol\u00e1stansearvevuo\u0111a miellahtuid gaskka.<\/p>\n

\"\"<\/a>

Frans Hallonen oa\u010d\u010dui d\u00e1vj\u00e1 juovladearvuo\u0111aid Suomas mat sisttisdolle luossas\u00e1gaid. D\u00e1n koartta lea muhtun s\u00e1dden gii liiko luossam\u00e1ll\u00e1i.<\/p><\/div>\n

Hui d\u00e1vj\u00e1 bo\u0111ii juovlapoasta Suomas Nj\u00e1vd\u00e1mii. Bealli vurkejuvvon juovlakoarttain leat Suomas s\u00e1ddejuvvon. Olbmot h\u00e1liidedje juovlakoarttaid bokte gudnejahttit verddevuo\u0111a ja giitit luosa ovddas mii lei nj\u00e1lgga ja mutt\u00e1t stuoris. Ja sii\u00a0 h\u00e1liidedje di\u014bgot barttaid ovddalgihtii, ja bisuhit verddevuo\u0111a. Ollu koarttat \u010d\u00e1jehit juovlanig\u00e1id, \u010di\u014bahuvvon juovlabeazi, skea\u014bkkaid, e\u014bgeliid, gintaliid, juovla\u010di\u014baid ja r\u00e1siid, ja lott\u00e1\u017eiid gordnegihpuin ja \u010d\u00e1ppa d\u00e1lveluonddu juovllaid\u00e1iggi, nu ahte dain ledje sullii seammal\u00e1gan govat go norgga koarttain, muhto g\u00e1vdnojit gal muhtun erohusat.<\/p>\n

\"\"<\/a>

Suomas s\u00e1ddejuvvojedje d\u00e1vj\u00e1 koarttat main lei vuoi\u014b\u014bala\u0161 sisdoallu.<\/p><\/div>\n

Mii oaidnit ahte Frans Hallonen oa\u010d\u010dui golmmal\u00e1gan poastakoarttaid Suomas main leat dakk\u00e1r govat mat eai leat nu d\u00e1b\u00e1la\u010d\u010dat norgga juovlakoarttain. Suoma koarttain lei d\u00e1b\u00e1la\u0161 geavahit vuoi\u014b\u014bala\u0161 govaid; vuoi\u014b\u014bala\u0161 symbolaid nu go e\u014bgeliid, Bassi golbma gonagasa, juovlakrubb\u00e1 ja Jesus-m\u00e1n\u00e1, ruossa ja biibaliid ja vuoi\u014b\u014bala\u0161- ja hervend\u00e1idaga.<\/p>\n

\"\"<\/a>

S\u00e1vnnjis lei stuora mearkka\u0161upmi Suoma alla\u00e1iggedil\u00e1la\u0161vuo\u0111aid oktavuo\u0111as. Ollu juovlakoarttain leat s\u00e1vdnjegovat. Badstuerelaterte motiver har preget mange av de finske julekortene.<\/p><\/div>\n

Frans Hallonen oa\u010d\u010dui maid nuppel\u00e1gan koarttaid main leat s\u00e1vdnjegovat, juogo juovlanig\u00e1\u00a0 s\u00e1vnnjodeamen juovllaid\u00e1igge, dahje s\u00e1vdnji d\u00e1lveluonddus \u00a0dahje \u00e1rbevirola\u0161 s\u00e1vdnjed\u00e1vvirat. Doaba \u201cjuovlas\u00e1vdnji\u201d lea \u00e1lo leama\u0161 deh\u00e1la\u0161 suoma s\u00e1vdnjekultuvrras. Juovlas\u00e1vdnji lea leama\u0161 deh\u00e1la\u0161 \u00e1rbevierru suoma juovla\u00e1vvudeamis: Juovlas\u00e1vnnjodeapmi d\u00e1hp\u00e1huvai juovlaeahkeda.<\/p>\n

\"\"<\/a>

Suoma dovddus oalga\u010dik\u014ba mii add\u00e1 lihku, lea maid d\u00e1b\u00e1la\u0161 juovlakoartagovva.<\/p><\/div>\n

Goalmm\u00e1t jovkui gulle koarttat main lei \u201coalga\u010dik\u014ba\u201d.\u00a0 Oalga\u010dik\u014ba vuolg\u00e1 suoma diidaoskkus. Diiddaid mielde oalga\u010dik\u014ba buvtti vissui lihku ja sihkkarasttii buori suoidne\u0161attu ma\u014bit jahk\u00e1i. Olbmot j\u00e1hke ahte suoidne\u0161addu \u0161attai oalga\u010di\u014ba sturrodaga mielde; ma\u0111i stuorit \u010dik\u014ba da\u0111i buoret \u0161addu.<\/p>\n

S\u00e1vnnjis lea stuora mearkka\u0161upmi Suoma alla\u00e1iggedil\u00e1la\u0161vuo\u0111aid oktavuo\u0111as. Ollu juovlakoarttain leat s\u00e1vdnjegovat.<\/p>\n

\"\"<\/a>

S\u00e1vnnjis lea stuora mearkka\u0161upmi Suoma alla\u00e1iggedil\u00e1la\u0161vuo\u0111aid oktavuo\u0111as. Ollu juovlakoarttain leat s\u00e1vdnjegovat.<\/p><\/div>\n

Nuortala\u010d\u010daid symbolat
\n<\/strong>St.Georga kapealla Nj\u00e1vd\u00e1mis ja nuohttun Nj\u00e1vd\u00e1n-gor\u017e\u017eis leat deh\u00e1leamos symbolat mat nuortala\u010d\u010daid kultuvrra leat \u010dalmmustahtt\u00e1n Norggas. Arkiivvas g\u00e1vdnojit ollu \u010d\u00e1lekeahtes ivdnekoarttat main leat govat Nj\u00e1vd\u00e1n-gor\u017e\u017eis ja vuollegis dimbbarviso\u017eis, St.Georga kapeallas.<\/p>\n

 <\/p>\n

\"\"<\/a>

St. Georga kapealla Nj\u00e1vd\u00e1mis lea \u010dalmmustahtt\u00e1n nuortala\u010d\u010daid kultuvrra Norggas, ja geavahuvvo d\u00e1vj\u00e1 poastakoartagovvan.<\/p><\/div>\n

 <\/p>\n

Kapealla lea boarr\u00e1seamos girkoviessu Finnm\u00e1rkkus ja das lea leama\u0161 stuora oskkola\u0161 ja historjj\u00e1la\u0161 mearkka\u0161upmi nuortala\u010d\u010daide, geat eatna\u0161at gullet Ortodoksa girkui. Frans Hallonen ja su viellja \u00e1immahu\u0161aiga ja bearr\u00e1igeah\u010daiga kapealla ollu jagiid.<\/p>\n

\"\"<\/a>

St. Georga kapealla Nj\u00e1vd\u00e1mis lea \u010dalmmustahtt\u00e1n nuortala\u010d\u010daid kultuvrra Norggas, ja geavahuvvo d\u00e1vj\u00e1 poastakoartagovvan.<\/p><\/div>\n

\"\"<\/a>

Frans Hallonen hadde gode forbindelser med ortodokse finlendere. Frans Hallonen doalai laga\u0161 oktavuo\u0111a ortodoksa suopmela\u010d\u010daiguin. Koarta \u010d\u00e1jeha \u00d8kumena guovdd\u00e1\u017ea, mii lea Myllyj\u00e4rvi b\u00e1ikkis.<\/p><\/div>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

Oskkus leamas m\u00e1\u014bggaid \u010duohtejagiid stuora mearkka\u0161upmi nuortala\u0161kultuvrii. Nuortala\u010d\u010dat leat hui di\u0111ola\u010d\u010dat das ahte sii \u2013 ovttas ortodoksa osku suopmela\u010d\u010daiguin \u2013 gullet Konstantinopel patri\u00e1rkka vuoll\u00e1i ja eaige Moskva patri\u00e1rkka. Arkiiva \u010d\u00e1jeha maid ahte Frans Hallonen:s lei laga\u0161 oktavuohta Suoma ortodoksa girkuin.<\/p>\n

Son oa\u010d\u010dui ollu jagiid juovladearvuo\u0111aid earret ear\u00e1 Helssega ja Oulu metropolihtain.<\/p>\n

\"\"<\/a>

Juovladearvuo\u0111at Helsset metropolihtas, 1982:s.<\/p><\/div>\n

 <\/p>\n

 <\/p>\n

 <\/p>\n

 <\/p>\n

Frans Hallonen arkiiva<\/strong>
\n<\/strong>Frans Hallonen arkiivamateri\u00e1la vurkejuvvo sihke Finnm\u00e1rkku fylkkagirjer\u00e1djosis ja S\u00e1mi arkiivvas. Finnm\u00e1rkku fylkkagirjer\u00e1dju vurke Nuortas\u00e1mi musea ovddas, ja S\u00e1mi arkiiva lea \u00a0\u010dohkken buot die\u0111uid mat gusket \u201cMii leat maid d\u00e1s! Vaj\u00e1lduvvon joavkkuid \u010dalmmustahttin\u201d pro\u0161ektii .<\/p>\n

Li\u014bkkat arkiiva\u010dilgehussii<\/u><\/p>\n

G\u00e1ldut
\n<\/strong>Hallonenviesu arkiiva\/Nj\u00e1vd\u00e1n Gohttensadji.<\/p>\n

\"\"<\/a>

Ortodoksa osku lea \u00e1lo leama\u0161 deh\u00e1la\u0161 nuortala\u010d\u010daide.<\/p><\/div>\n

NOU 1997: 4. Naturgrunnlaget for samisk kultur. https:\/\/www.regjeringen.no\/no\/dokumenter\/nou-1997-4\/id140720\/sec8<\/a><\/p>\n

Nuortala\u0161siida kulturbiras \u2013 dik\u0161un 2016
\nhttps:\/\/www.fylkesmannen.no\/nn\/Finnmark\/Landbruk-og-mat\/Miljotiltak\/Spesielle-miljotiltak-i-jordbruket-SMIL\/Skoltebyen-kulturmiljo\u2014skjotsel-i-2016\/<\/a><\/u><\/p>\n

Ulvestad, Ivar (2005): Norske postkort. Kulturhistorie og samleobjekter. Damm.<\/p>\n

Wikan, Steinar (1995): Grensebygda Neiden. M\u00f8te mellom folkegrupper og kampen om ressursene. Davvikalohta girjel\u00e1g\u00e1dus. M\u00e1tta-V\u00e1rjjat musea girjel\u00e1g\u00e1dus.<\/p>\n","protected":false},"excerpt":{"rendered":"Juovlam\u00e1nnu 2018: VI ER OGS\u00c5 HER! MII LEAT NAI D\u00c1S! MEKIN OLEMME T\u00c4\u00c4LL\u00c4!\u00a0Maid muitala juovlakoarta\u010doakk\u00e1ldat su birra gii daid lea \u010dohkken? S\u00e1htt\u00e1 go koarttaiguin \u010dalmmustahttit olbmo eallima v\u00e1s\u00e1husaid? Finnm\u00e1rkku fylkkagirjer\u00e1djosa \u010doakk\u00e1ldat, mas leat Frans Hallonen lagabui 300 juovlakoartta, lea erenoam\u00e1\u0161 diehtog\u00e1ldu maid lea vejola\u0161 eanet suokkardit. Arkiv\u00e1ra Helena Maliniemi lea \u010d\u00e1ll\u00e1n artihkkala.","protected":false},"author":1,"featured_media":6660,"comment_status":"closed","ping_status":"closed","sticky":false,"template":"","format":"standard","meta":[],"categories":[384,11,4],"tags":[],"_links":{"self":[{"href":"https:\/\/finnmarksarkivene.no\/index.php?rest_route=\/wp\/v2\/posts\/6801"}],"collection":[{"href":"https:\/\/finnmarksarkivene.no\/index.php?rest_route=\/wp\/v2\/posts"}],"about":[{"href":"https:\/\/finnmarksarkivene.no\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/finnmarksarkivene.no\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/finnmarksarkivene.no\/index.php?rest_route=%2Fwp%2Fv2%2Fcomments&post=6801"}],"version-history":[{"count":6,"href":"https:\/\/finnmarksarkivene.no\/index.php?rest_route=\/wp\/v2\/posts\/6801\/revisions"}],"predecessor-version":[{"id":6812,"href":"https:\/\/finnmarksarkivene.no\/index.php?rest_route=\/wp\/v2\/posts\/6801\/revisions\/6812"}],"wp:featuredmedia":[{"embeddable":true,"href":"https:\/\/finnmarksarkivene.no\/index.php?rest_route=\/wp\/v2\/media\/6660"}],"wp:attachment":[{"href":"https:\/\/finnmarksarkivene.no\/index.php?rest_route=%2Fwp%2Fv2%2Fmedia&parent=6801"}],"wp:term":[{"taxonomy":"category","embeddable":true,"href":"https:\/\/finnmarksarkivene.no\/index.php?rest_route=%2Fwp%2Fv2%2Fcategories&post=6801"},{"taxonomy":"post_tag","embeddable":true,"href":"https:\/\/finnmarksarkivene.no\/index.php?rest_route=%2Fwp%2Fv2%2Ftags&post=6801"}],"curies":[{"name":"wp","href":"https:\/\/api.w.org\/{rel}","templated":true}]}}