«Mii leat nai dás! Vajalduvvon joavkkuid čalmmusdahttin»

Foto: Toralv Pedersen. Bildet er tatt på 1970-tallet. Arkiv: Finnmark fylkesbibliotek

Foto: Toralv Pedersen. Bildet er tatt på 1970-tallet. Arkiv: Finnmark fylkesbibliotek

«Mii leat nai dás! Vajalduvvon joavkkuid čalmmusdahttin» («Vi er også her! Synliggjøring av glemte grupper») lea ođđa prošeakta mas áigut ohcat, váldit vára ja gaskkustit arkiivamateriála viđa váljjejuvvon joavkkus. Dát joavkkut leat unnan dokumenterejuvvon Finnmárkkuarkiivvaid čoakkáldagain, ja mis váilot dieđut maŋit áigái sin doaimmaid ja eallindili birra sin iežaset geahčastagas.

Finnmárkkuarkiivvat lea fierpmádat mas Finnmárkku arkiivaásahusat, museat ja fylkkagirjerájus leat mielde. Prošeavtta hábmejeadjit lea bargojoavku mas árkivárat Sámi arkiivvas, Stáhtaarkiivvas Romssas, IKA Finnmárkkus, RiddoDuottarMuseas, Várjjat museas ja Finnmárkku fylkkagirjerádjosis leat mielde. Lea Finnmárkku fylkkagirjerájus mii jođiha prošeavtta.

Ulbmil bargguin lea sihkkarasttit ollislaš servvodatdokumentašuvnna Finnmárkkus. Stáhtalaš ásahusaid, fylkkagielddaid ja suohkaniid arkiivvat vurkejuvvojit systemáhtalaččat arkiivaásahusaide, muhto leat unnán priváhtaarkiivvat mat seailluhuvvojit seamma ládje boahtteáigái. Danin mii sávvat gávdnat arkiivvaid priváhtaolbmuin, ealáhusain,  fitnodagain, organisašuvnnain ja servviin. Lea dehálaš ahte sin doaimmat ja historjá duođaštuvvo eanet go lea dahkkon dán rádjai. Dákkár arkiivvat leat dehálaš gáldot ea.ea. ipmirdit dálá servvodaga ja báikegottiid ovdáneami.

Ovdal bijáimet dán prošeavtta johtui, dahkkui vuđolaš kárten- ja analysabargu mas leat guorahallan mii gávdno ja mii váilu Finnmárkku arkiivaásahusáin. Dán barggu vuođul leat váljjen vihtta joavkku main lea unnan priváhtaarkiivamateriála vurkejuvvon: nuortasápmelaččat, dálolaš guollebivdit, olgoriikalaš unnitloguálbmogat, boazosápmelaččat ja nissonolbmot.

Mii háliidivččiimet oktavuođa olbmuiguin geat vurkkohit dahje geat dihtet arkiivvaid dahje dokumentašuvnna birra maid dát joavkkut leat buvttadan. Dat sáhttet leat beaivegirjjit, reivvet, govat, protokollat, áššebáhpirat, rehketdoalut, jietnabáttit, filmmat, dahje eará. Materiála sáhttá leat juogo fysalaš dahje digitála hámis, ja sihke boarraset ja ođđa materiála lea berošdahtti. Mii áigut nai čađahit jearahallamiid guovddáš olbmuiguin dáin joavkkuin jus dasa orru dárbu. Movt materiálas galgá váldit vára lea juoga maid arkiivaásahus ja arkiivaddi soahpaba.

Prošeavtta bohtosiid mii áigut gaskkustit johtti čájáhusa ja girjealmmuhusa bokte.

Váldde oktavuođa jus dus leat dieđut mat sáhttet leat miellagiddevaččat dahje jus dus lea arkiiva mas berre váldit vára boahtteáigái!

 

Oktavuođadieđut:
Anne Karen Hætta
Bargá joavkkuiguin: boazodoallu, nuortasápmelaččat ja nissonolbmot
E-boasta: anne.karen.haetta@ffk.no
Tlf: 917 12 473

Ida Kjeilen Thuv
Bargá joavkkuiguin: dálolaččat, riddoguolásteapmi, olgoriikalaš unnitloguálbmogat ja nissonolbmot
E-boasta: ida.kjeilen.thuv@ffk.no
Tlf: 78 96 43 77

 

Norggá kulturráđđi/ Norggá kulturfoanda lea dorjon prošeavtta