Finnmárku-arkiivvaid ovttasbargoprošeakta Finnmárkku Digitála Bargobádji álggahuvvui čakčamánu 1.beaivve. Arkiivadoaimmahat lea juolludan ruđa virgádit Lasse Andreas Kvernmo Valkeapää prošeaktajođiheaddjin logi mánnui. Les mer... 
Finnmárkku Digitála Bargobádji: Sámi ja kvena digitála priváhtaarkiivvaid pilohtaprošeakta lea ovdánahttinprošeakta, man Arkiivadoaimmahat doarju ruđalaččat. Les mer... 
Dassá lea 80 jagi áigi go 636 oahpaheaddji bohte Girkonjárgii bággobargui, go ledje biehttalan oahpahit nazisttalaš ideologiija skuvllas. Grenselandmusea lea gávdnan smávva beaivegirjji pearpma haga masa leat čállojuvvon ollu dieđut juohke siidui. Siiddut muitalit mátkki ja fáŋgavuođaeallima birra, maid okta oahpaheaddji vásihii njukčamánu rájes gitta skábmamánnui 1942. Les mer... 
Erenoamáš ja allaáiggálaš doalut lágiduvvojedje Diehtosiiddas Guovdageainnus go Lappekodisilla ollii ruoktot. Gudneguossi Gonagas Harald ja eará bovdejuvvon guossit ledje duođašteaddjin go Kultur- ja dásseárvodepartemeantta stáhtačálli, Gry Haugsbakken geigii dokumeantta luohpi sámediggepresidentii Aili Keskitaloi. Les mer... 
Arkiivadoaimmahat fállá nuvttá digitaliseret buot arkiivvaid, mat vurkkoduvvojit sámi museain ja kulturásahusain. Dát lea skeaŋkan sámi álbmogii dan oktavuođas go Sámi arkiivvas lea 25-jagi ávvudeapmi. Les mer... 
Arkiivafágalaš fierpmádat Finnmárku-arkiivvat lea ožžon ruhtadoarjaga Norgga Kulturfoandda kulturárbái várrejuvvon ruđain joatkit prošeavtta “Mii leat maid dáppe! Vajálduvvon joavkkuid čalmmustahttin”. Doarjja lea 180 000 kruvnnu ja galgá geavahuvvot čohkket arkiivvaid maid nuortalaččat, mearrasámi guolásteaddjit, kvenat, boazosápmelaččat ja olgoriikalaš unnitlogut leat ráhkadan. Mii vuoruhat arkiivvaid maid joavkkuide gullevaš nissonat leat ráhkadan. https://www.kulturradet.no/stotteordning/-/vis/prosjektstotte-kulturvern/tildelinger Les mer... 
Finnmárkku fylkkagirjeráju arkiivvas leat gávdnan dološ geassemuittuid. Govas oaidnibehtet Čáhcesullo sanitehtasearvvi luopmobáikki “Soltun”, mii rahppojuvvui jagi 1930 Buolbmágis. Les mer... 
Várjjat Musea IKS álggahii Várjjat-arkiivaprošeavtta maid Arkiivadoaimmahat ja SNN-foandda ruhtadit ovdánahttinruđaid bokte. Várggáid, Čáhcesullo ja Girkonjárgga ossodagat áimmahuššet daid ja sii galget daid dikšut, katalogiseret ja registreret Asta vuogádahkii ja almmuhit daid Arkiivaportála bokte. Bargu lea bures boahtán johtui! Les mer... 
Dán jagi lea vuosttaš riikkaidgaskasaš luondduluossajahki. Finnmárkoarkiivvat háliidit dan oktavuođas fuomášahttit erenoamážit luossaoasti Andreas Lavde arkiivva, mii vurkejuvvo Deanu museas. Arkiiva muitala mo sámi árbevirolašguolásteapmi čađahuvvui Deanočázádagas, mii lea okta máilmmi stuorámus čázádat gos gávdnojit atlántalaš luondduluosat. Les mer... 
Dán jagi vuosttas mánuid lea ollu dáhpáhuvvan Ođđasishuksenmusea čoakkáldagain! Ođđa lanjat leat váldojuvvon atnui, ovdamearkka dihte áibbas ođđaáigásaš seailluhanbargobádji, mii dahká ahte dál lea álkit várjalit Norgga Nissoniid Sanitehtasearvvi árvodávviriid, mat ledje juo guohppudišgoahtán. Les mer...