Finnmárkku fylkkagirjeráju arkiivvas leat gávdnan dološ geassemuittuid. Govas oaidnibehtet Čáhcesullo sanitehtasearvvi luopmobáikki “Soltun”, mii rahppojuvvui jagi 1930 Buolbmágis. Huksensadji lei vurdojuvvon skeaŋka maid gávpealmmái Birger Pedersen skeŋkii. Sanitehtasearvi lei ollu jagiid čohkken ruđaid viessohuksemii. Luopmobáiki lei hirbmat buorre ja dehálaš mánáide ja nuoraide geain ii lean nu buorre dilli ja váiban dálueamidiidda Čáhcesullos ja dan lahkosis. Ovtta beavdegirjjis sáhttit lohkat ahte ollu dálueamidat, mánát ja nuorat guđđe gávpoga “ruoinnasin ja goarránan” ja bohte ruovttoluotta “buoiddit ja movttegat”.
Fylkkagirjerájus gávdnojit ilduidmielde vurkejuvvon dieđut fylkka sanitehtaservviid birra. Lassin Čáhcesullo sanitehtasearvvi dieđuid gávdnojit maid beavdegirjjit, reivvet, áššebáhpirat ja govat 20 iešguđet báikkálaš servviin, sihke oarjin ja nuortan fylkkas.
Arkiivvaid gávnnat Arkiivaportálas:
https://www.arkivportalen.no/search/1?unitType=1000&repository=FMFB&text=sanitetsforening
Govvateaksta: Čáhcesullo sanitehtasearvvi luopmobáiki Skiipaguras Deanus. Govva: Čáhcesullo sanitehtasearvvi arkiiva, Finnmárkku fylkkagirjerádju.