Dassá lea 80 jagi áigi go 636 oahpaheaddji bohte Girkonjárgii bággobargui, go ledje biehttalan oahpahit nazisttalaš ideologiija skuvllas. Grenselandmusea lea gávdnan smávva beaivegirjji pearpma haga masa leat čállojuvvon ollu dieđut juohke siidui. Siiddut muitalit mátkki ja fáŋgavuođaeallima birra, maid okta oahpaheaddji vásihii njukčamánu rájes gitta skábmamánnui 1942.
Várjjat-arkiivvat čállet iežaset Facebook siidduin čuovvovaččat: Oahpaheaddji Kristin Opjordsmoen (1903-1961), Opplánddas eret, váldojuvvui fáŋgan njukčamánu 20.b.1942 ja bođii D/S Skjerstad fáŋgaskiippain Girkonjárgii cuoŋománu 29.beaivve.
Opjordsmoen čálii beaivegirjji olles dan áiggi go lei fáŋgavuođas ja go lohkat beaivegirjji de beassat oahpásmuvvat fáŋggaid árgabeaivái, sihke skiippas, bággobarggus ja fáŋgaleairras.
Musea lea lágidan čájáhusa oahpaheddjiid fáŋgavuođaeallimis Mátta-Várjjagis.