Doalut leat oassin Sámi beassášmárkanat 2019 prográmmas Guovdageainnus, Cuoŋománu 13. – 22.b. 2019.
http://www.samieasterfestival.com/progr%C3%A1mma.html
Koji TSUDA
Govat 1974 – 1986
Govvačájálmas 17. – 22.04. Diehtosiiddas 12.00 – 16.00
Rahpan 17.04. dii.16:00
Bures boahtin!
Govvejeaddji muitala:
Mun johten Japanis Norgii 1974 giđa ja dat lei vuosttaš geardde go mátkkoštin olgoriikkas. Mun mátkkoštin Davvi-Norggas ohcan dihte guovssahasa ja sámiid eatnamiid. Mátki bisttii bealgoalmmát jagi.
1975:s oahpásnuvven Nils Bedariin, Mázes. Sápmelaččaid eallin geasuhii mu ja nubbi mátki Guovdageidnui šattai 1977 čavčča. Dalle deiven fas Nils Bedara ja bessen vásihit su dálveorohaga ja giđđajohtima su siidda mielde.
1979 dálvvi fitnen fas Sámi guovlluin.1980:s ožžon vejolašvuođa vásihit giđđajohtima Junnána ja Nilliko bearrašiiguin. Mannjel govvejin sin eallima geasseorohagas.
Giđđat 1986:s fitnen Sámis japánalaš mánáiguin. Govvejin sápmelaččaid beaivválaš eallima ja dáhpáhusaid beassášdoaluin Guovdageainnus, ja dáid govaid almmuhin japánalaš mánáidbláđis.
魅せられし サーミと共に 白と緑」
Čatnasan váibmosan Sápmelaččaid duovdagat Vielgat ja ruoná